1947 年震驚全島的二二八事件至今已 74 年，民間團體不斷透過音樂節與遊行呼籲轉型正義。今（18）日，「228‧0紀念行動」於蔡瑞月舞蹈研究社召開記者會，此紀念行動今年將邁入第五年，以「拆除威權．起造新國家」為核心，呼籲民眾於 21 日上街頭，一起思考二二八事件對台灣的傷痛外，訴求清算中國國民黨和相關勢力，實行轉型正義，並宣示一起建立新國家的決心。
2021 年的「228‧0紀念行動」當天將從「天馬茶房」出發、經過「專賣局台北分局」、「台北放送局」、最後到二二八事件的起點——「行政長官公署（行政院）」。遊行過程會用台語和客語讀受難者名單。行政院前面的儀式會用「手語念詩」來讀陳明仁老師「1947 寒冷的春天」、希望用「無聲」來表達受難者、家屬甚至整個台灣社會「袂赴哭 ê 心声」。
活動內容：2021 年「228‧0紀念行動」於 2021 年 2 月 18 日星期日下午 1 時 30 分於日新國小集合，並於 2 時 28 分於天馬茶行出發。
2021 年的「228‧0紀念行動」聲明全文：
2 月 21 號、禮拜下晡、50 外个民間團體閣一擺集合、發起第 5 擺「228・0 記念行動」、呼籲所有人民行上街頭、做伙思考 228 大屠殺帶乎咱台灣 ê 痛疼、同齊治療咱歸个社會上深 ê 空嘴。以「拆除威權・起造新國家」做核心價值、訴求徹底清算中國國民黨 kap 相關勢力、宣示鬥陣建立自由・民主・台灣新國家 ê 決心。
2017 年、由蔡瑞月舞蹈研究社 kap 鄭南榕基金會共同發起、綴 1987 年陳永興醫師、李勝雄律師 kap 鄭南榕先生發起「228 公義和平運動」ê 脚跡、招逐家做伙行出來、莊嚴來面對咱台灣歷史 ê 眞相。
今年、由台大台語文社 kap Formosa青年議會籌備處主辦、台灣人權促進會・親子共學教育促進會・人權公約施行監督聯盟・東吳難容社・台大學生會……等等 50 外个關心打拼自由民主人權價值 ê 人民團體 kap 學生組織協辦、閣一擺招人民鬥陣來行台灣 chit 條建國路。
今年 228・0 辦 tī 世界母語日、以「拆除威權・起造新國家」做核心、由現任台大台語文社社長林柔辰起草宣言、以伊 ê 母語・台語來寫出咱 chit ê 世代 ê 醒覺。點出中華民國政府對台灣社會造成外深 ê 傷害——咱不 nā 失去足多足多勇敢 ê 台灣人 ê 性命、咱 ê 語言・咱 ê 歷史・咱 ê 記池・咱 ê 靈魂 mā lóng hông 奪去。
Chit 擺行動宣言 beh 強調、一定愛「徹底清算中國國民黨 kap 相關勢力」、包括「刪除維持植民威權象徵 ê 預算（中正廟・慈湖陵寢等）」。Ánne 台灣社會 chiah 通 kā 真相看乎清楚、誠實來認bat 中國國民黨 kap 中華民國 chit ê 黨國體制致使咱受傷有外深、轉型正義 chiah 有可能真正開始。追求獨立建國 ê 台灣、mā 愛 ē記反抗中華民國 ê 經驗、kah 香港・TIBET・East Turkestan・世界各國結盟、做伙對抗危害全世界 ê 中國病毒 kap 中國帝國主義、開創自由民主 ê 未來。
228・0 按算行過相關歷史地點、tùi「天馬茶房」出發、經過「專賣局台北分局」・「台北放送局」、上尾到 228 大屠殺 ê 起點——「行政長官公署（行政院）」。遊行過程 ē 用台語 kap 客語讀受難者名單。行政院頭前 ê 儀式 ē 用「手語念詩」來讀陳明仁老師「1947 寒冷 ê 春天」、希望用「無声」來表達受難者・家屬甚至歸个台灣社會「袂赴哭 ê 心声」。閣有行動宣言起草人林柔辰來 hoah 出 chit ê 世代 ê 追求。Mā 邀請李勝雄律師來講歷史、林宗正牧師 chhōa 逐家做伙爲台灣祈禱、咱做伙 siohsioh 咱流血 ê 靈魂。以蔡瑞月舞蹈社 ê「長春花」舞作邀請群眾參與收尾、期待台灣人 tùi 苦難 ê 記池開出上水 ê 花蕊、天光 hit 工、台灣是新閣獨立 ê 國家。
資料來源：228‧0紀念行動
